FRANCIACÜRTA

Una nuova toccante poesia del nostro socio Gino Parzani dedicata alla sua terra.

 

FRANCIACÜRTA

Lasim che ‘ndè la me terä,
chè go ülit be per töta la me etä….
Dèsedim miga da chesto bél ènsome….
Lasim che ‘n mèes a la me zent piena dè amur…
Pèr güstà amò na olta…. Èl saùr dei ricordi,
lasim che sota le trape, piene dè oä che
dèenterà zucch dè amicisia e dè galantom!
Voi sèntèr amò…. Èl rèspir dè la so uss,
chè sö le righe dè la müsica la ‘nventa
e la disegna accordi dè emussiù e melodie d’amur
.

Lasim che sota èn ciel pié dè stèle,
èngrügnat dèperme a sfujà i petai dè la etä,
la me etä….

Voi sentèr amò le me campane de Saià chè
matina e sera le cioca l’Ai Mariä
e per le feste le scampana alegre töte ‘nsema.
Dopo…. quando ‘l Signur èl vüarà, con l’amur
Dè tö.cc i me dè famia e dèi me amici….
Tranquillo, ènsema ai genitur e ai me frèdei….
Püdarò amò sentèr l’udur greff dèl most,
èl profumo dè l’erba apenä tajada, èl cantà
dè le sigale d’istat, èl ghét de le rane la sera
èndé la possa dèi Parzà.

E alura saro amò béat, ènsema ai me….
Parlarom amò dè la FRANCIACÚRTA.
 

[Gino Parzani]