Tanti Auguri di Buone Feste: LA STALA

Buon Natale e Buone Feste: La StalaCon questa nuova toccante poesia
del nostro socio Gino Parzani il Club 33
augura a tutti Buon Natale e Buone Feste a tutti.


 


LA STALA


Ēl zelä dé förä,
ghè ömèt dè det…
tra fe è talamore
l’è pienä dè zet…

La stalä l’è grandä,
disdòtt cho dè bestiam,
ma con tö.cc chèi èmbandä
me so piö ‘ndu ultàm….

Ma pian piano la zent,
tö.cc amici e parenc,
i sa troä ‘l so ni
come i föss dèi pulzì…

I noni i fömä la pipä
coi ö.cc mèss sera.cc fò,
le fomme le scarpetä
per lure e tö.cc i so.

Ēntat  part èl rusare dèl merculdé
tiràt da ziä Teresä Suminsinä,
perché bisognä saì che ‘nchö l’è ‘l so dé…
Deus inadiutorum …… ad juvanda me festina.


I gnari i sa contä storie              
sentide dai piö granc,
i fa sta zo le glorie
ma i lasso ‘n pace i Sanc.

I hom de laura i rasunä,
i dècitt chè sa pöl fa,
col frèt chè za ‘l tà ‘ngrögnä,
per gudagnass èl pa.

Dè dre d’èn mucèl de pajä
ve förä’n suspir dè na s.cetä,(?)
èl püpì söl cussì dè spelajä
‘l sa cunsulä co’n bocä la tetä.

La pipä l’è mortä, ‘l tabach l’è finit,
èl nono ‘l leä sö èl fa ‘nsegnä col dit:
matèi… adess l’è tarde, per leà sö dumà….
l’è prope urä dè nà a cà.


          Gino